News

Schoulsportdag 2022

02/06/2022

No 2 Joer Paus konnt den 2. Juni erem eise Schoulsportdag an der Schoul ofgehale ginn. E grousse Merci un déi vill Veräiner a Bénévoler, déi et de Kanner erméiglecht hunn, vill nei Sportarten ze entdecken. Kuckt Iech hei ënnendrënner e puer Fotoen vun desem Dag un.

Mam Fierschter an de Bësch

31/05/2022

An der Woch vum 16. Mee haten d'Schoulklassen aus dem Cycle 3 a 4, d'Méiglechkeet, eise Fierschter, de Ben Louis, bei senger Aarbecht am Bësch ze begleeden. An 2 ganz interessanten Atelier'en konnten d'Kanner léieren, wéi d'Ardenner-Päerd bei der Bëscharbécht agesat ginn, a wéi déi gehae Beem am Bësch weider verschafft ginn. E grousse Merci un de Ben Louis, dass d'Kanner vun dësen Atelier'en profitéiere konnten.

Comics

03/05/2022

D'Kanner aus dem Cycle 4.1 hunn hiren eegene Comic mam Tool "Storyboard" gemolt a vertount. Vill Spaass beim Kucken, Liesen a Lauschteren.

Mobbing a Codéieren

28/04/2022

D'Kanner aus dem Cycle 3.1 hu sech am Fach Vie et Société anhand der Codéier-App "Scratch Junior" mam Thema "Mobbing" ausernee gesat. D'Resultater gesidd dir hei. Vill Spaass beim Kucken.

Codéieren mam Scratch Junior Klass Wagner Carmen
Codéieren mam Scratch Junior Klass Wagner Estelle

D'Geschicht vun der Moul

19/04/2022

D'Kanner aus der Klass vun der Joffer Jessica Klein erzielen d'Geschicht vun der Moul. Heibäi hu si mat der Stop-Motion-Technik experimentéiert. Vill Spaass beim kucken.