News

Niklosmaart zu Käerch

02/12/2021

Dëse Weekend, vum 3. op den 5. Dezember, ass Nikloosmaart zu Käerch beim Schlass. Eis Kanner sinn och mat engem Stand vertrueden, wou si hir Bastelsaachen, déi si an der Schoul an an der Maiosn Relais gebastelt hunn, verkafen. Den Erléis ass fir d'"Fondatioun Wonschstär". Kommt bis lanscht kucken.
UPDATE: Am Ganzen konnten op dësem Week-end 1368,50 € gesammelt ginn. Eng schéin Somme, déi mir zesummen der Fondatioun Wonschstär iwereeche wäerten. Merci jidferengem fir säin Asaz.

De Kleeschen kënnt an d'Schoul

02/12/2021

Dëse Freiden, 3. Dezember 2021 kënnt de Kleeschen bei eis an d'Schoul. Wéinst der aktueller Corona-Lag kënnen d'Elteren leider net un deser Manifestatioun deelhuelen. De Kanner hir Prestatioune kënnt dir awer d'nächst Woch bei eis um Site kucken.

Iwerreechung vun de grénge Meilen zu Glasgow op der COP 26

11/11/2021

E Méinden, 8. November, goufen zu Glasgow op der Klimakonferenz COP 26 all gréng Meilen déi uechter Europa gesammelt goufen (méi wéi 5 Milliounen!), un d'Generalsekretärin vun der UNFCC iwwerreecht. Dorenner och déi 52.555 Meilen, déi vun de ronn 1.300 Kanner hei am Land gesammelt goufen. An dorënner dann och déi 4.277 Meilen vun de Käercher Schoulkanner, déi si vum 31. Mee bis den 27. Juni 2021 gesammelt hunn.
E grousse Merci nach eng Kéei un all d'Kanner fir hiren Asaz bei deser Aktioun.

MathemaTIC Challenge 2021

20/10/2021

En décke Bravo un d'Klass vun der Madame Kieffer aus dem C4.2, déi de MathematTIC-Challenge 2021 gewonnen huet. Vum 6. bis den 8. Oktober hu si hir mathematesch Kompetenzen missten ënner Beweis stellen a goufe belount. Si däerfen sech iwert een Outdoor Teambuilding Dag am Mariendall freeën.

Abroch an d'Schoul

16/10/2021

Leider gouf an der Nuecht vum 15. op den 16. Oktober an d'Schoul agebrach a vill Schued hannerlooss. All weider Infoen fir de Schoulbetrib fannt dir am Communiqué hei ënnendrënner.