News

Schoulsportdag

Den 8. Juni gouf an der Käercher Schoul dee schon traditionellen Schoulsportdag ofgehalen. Hei haten d’Kanner erëm d’Méiglechkeet vill nei oder och scho bekannte Sportarten ze entdecken an ze probéieren. Ennert anerem hate si d’Méiglechkeet hire Geschéck a folgenden Atelier’en ënner Beweis ze stellen: Hiphop, Zumba, Danz, Slackline, Fussball, Volleyball, Basketball, Liichtathletik, Tennis, Pingpong, Hockey a Fechten.

E grousse Merci un déi vill fräiwëlleg Hänn, déi op dësem Dag eng Hand mat ugepakt hunn an de Kanner esou e flotten Dag mat vill Spaass a Beweegung erméiglecht hunn.

Schoultheater "De klenge Waassermann"

D'Kanner aus dem Cycle 3.2 invitéiren ganz häerzlech op d'Opféirung vum Theaterstéck "De klenge Waassermann". Gespillt gëtt de 15. an 16. Juni, jeweils um 19 Auer am Festsall zu Käerch. Äer Plaze kënnt dir reservéiren mat engem Mail op carmen.wagner@education.lu

 Invitatioun_de_klenge_Waassermann_2023_PROD.pdf

Share

Theater am C1

Am Mäerz huet d'Klass vun der Madame Jessica Klein d'Theaterstéck "Eddie, de Meeschterdéif" fir d'Schoulkanner an d'Elteren opgefouert. Kuckt hei ënnendrënner e puer Fotoen vun dësem gelongenen Optrëtt.

First Lego League

Eise Cycle 4 huet e Samschden, 25. Februar mat de Klassen vun der Madame Isabelle Haas, dem Här Jean-Louis Medinger an der Madame Peggy Kieffer un der Final vun der "FIRST Lego League" deelgeholl. Mat selwer programméierte Roboter hunn d'Kanner verschidde Missioune misse bewältegen. Och eng Presentatioun zum Theme "Superpowered" huet engem Fachjury misse virgestallt ginn. Um Enn ass eng formidabel 18. Plaz (ënnert 28 Equipen) heibäi erausgesprongen. Felicitatiounen deenen 3 Klassen fir des Réussite bei hirer éischter Participatioun.

De Kleeschen zu Käerch

E Freiden, 2. Dezember, war de Kleeschen op Besuch an eiser Schoul. Kuckt hei d'Optrëtter vun den eenzelne Klassen.