Wëllkomm op eiser Website

Nees zesummen an d'Klass | Reconstitution des groupes classe

24/06/2020

Léif Elteren,
Ab dem Méinden, 29. Juni, ginn d'Klassen nees zesumme geluecht. Alleguerten d'Klassen funktionnéieren dann erem mat engem selwechten Horaire. D'Schoul fänkt moies um 7h50 un, an hält mëttes um 12h50 op. Well d'Klassen all dee selwechten Horaire hunn, fällt den 2. Tour vum Schülertransport eweg. All d'Kanner kënnen erem moies a mëttes mat dem selwechte Bus fueren. De genauen Bushoraire, valabel vum 29. Juni bis den 15. Juli, fannt dir hei annexéiert. Och hei ënnendrënner fannt dir e Link op e Site vum Educatiounsministère matt all de néidegen Infoen.

Rentrée 25. Mee 2020 (2)

20/05/2020

Léif Elteren,

Hei ënnendrënner fannt dir all wichteg Informatiounen fir den Schoulufank, den 25. Mee, an engem Dokument zesummegefaasst, op däitsch an och op franséisch. Nach ënnendrënner och e Link bei e Video, eng Kéier fir d'Kanner aus dem C1 an eng Kéier fir d'Kanner aus dem C2-4, déi all wichteg Mesuren fir de Schoulufank erklären.

Rentrée 25. Mee 2020

06/05/2020

Léif Elteren,

E Méinden, 25. Mee, fänkt d’Schoul erem un. Fir genau ze wëssen, wéi Äere Betreiungsbesoin fir Äer Kanner ass, huet de Ministère de l’éducation nationale, de l’Enfance et de la Jeunesse en Online-Formulaire opgesat. De Link zu desem Formulaire fannt dir um Enn vun desem Message. Fëllt dese Formulaire onbedingt bis e Freiden, 8. Mee 2020, aus a renseignéiert am Feld «Adresse mail du titulaire de classe » d’E-Mail-Adress vun der Joffer oder dem Schoulmeeschter vun Äerem Kand.

Well de Formulaire op franséisch ass, fannt dir hei ënnendrënner eng daitsch, sou wéi eng englesch Iwersetzung, déi Iech beim Ausfëllen vum Formulaire hëllefe kann.