News

Schoulfest 2022

14/07/2022

D'Léierpersonal, d'Maison-Relais an d'Elterevertrieder invitéieren ganz häerzlech op d'Schoulfest, e Freiden, 15. Juli ab 16h00 zu Käerch bei der Schoul. Nieft Spill a Spaass fir déi Kleng ass natierlech och duerfir gesuergt, dass keen hongreg an duuschtreg heemgoe muss.

Mini-Entreprises

11/07/2022

D'Schüler aus dem Cycle 4.2 hunn sech vill lecker Schneekegkeeten ausgeduecht a selwer hirgestallt, déi si e Mëttwoch, 13. Juli, denen anere Kanner ze Schmaache ginn. Fir de Präis vun 1 bis 2 € kënnen d'Kanner sech am Nomëtten e leckeren Dessert kafen. Den Erléiss ass fir d'Fondatioun Wonschstär.

Schoulsportdag 2022

02/06/2022

No 2 Joer Paus konnt den 2. Juni erem eise Schoulsportdag an der Schoul ofgehale ginn. E grousse Merci un déi vill Veräiner a Bénévoler, déi et de Kanner erméiglecht hunn, vill nei Sportarten ze entdecken. Kuckt Iech hei ënnendrënner e puer Fotoen vun desem Dag un.

Mam Fierschter an de Bësch

31/05/2022

An der Woch vum 16. Mee haten d'Schoulklassen aus dem Cycle 3 a 4, d'Méiglechkeet, eise Fierschter, de Ben Louis, bei senger Aarbecht am Bësch ze begleeden. An 2 ganz interessanten Atelier'en konnten d'Kanner léieren, wéi d'Ardenner-Päerd bei der Bëscharbécht agesat ginn, a wéi déi gehae Beem am Bësch weider verschafft ginn. E grousse Merci un de Ben Louis, dass d'Kanner vun dësen Atelier'en profitéiere konnten.

Comics

03/05/2022

D'Kanner aus dem Cycle 4.1 hunn hiren eegene Comic mam Tool "Storyboard" gemolt a vertount. Vill Spaass beim Kucken, Liesen a Lauschteren.